Bugesera, tariki ya 16 Nyakanga 2025 – Mu rwego rwo gukomeza kwegera abaturage no gukemura ibibazo byabo ku buryo buboneye, Umuyobozi w’Akarere ka Bugesera, Mutabazi Richard, ari kumwe n’itsinda ry’abakozi b’Akarere bashinzwe gukemura ibibazo by’abaturage, yakiriye abaturage baje kugaragaza ibibazo bitandukanye bafite.

Iyi gahunda yabereye ku cyicaro cy’Akarere, aho abaturage bahawe umwanya wo kugaragaza ibibazo byabo, birimo ibijyanye n'imitungo, imikoreshereze y'ubutaka, ibibazo by'imiryango n’ibindi. 

Umuyobozi w’Akarere ka Bugesera, Mutabazi Richard, yashimiye abaturage bagaragaje ibibazo byabo abasaba gukurikiza inama n’umurongo byakemuwemo.

 Abaturage bitabiriye iyi gahunda bashimye ubuyobozi bw’Akarere bwabakemuriye ibibazo.

Gahunda nk’iyi ikorwa kenshi mu rwego rwo kwimakaza imiyoborere ishingiye ku baturage no kubafasha kugera ku iterambere rirambye.