Kuri uyu wa Gatanu, tariki ya 27 Ukuboza 2024, Umuyobozi w’Akarere, Mutabazi Richard yagiranye ikiganiro n’itangazamakuru kibanze mu kugaragaza uko Akarere gahagaze muri uyu mwaka n’indi mishinga minini gafite.

Ni ikiganrio kitabiriwe n’ibitangazamakuru bitandukanye bikorera mu Rwanda, cyari gifite insanganyamatsiko igira iti:“Bugesera mu Rugendo rw’Iterambere.” 

Umuyobozi w’Akarere Mutabazi Richard yagaragaje imishinga minini akarere gafite irimo guhindura imibereho y'abaturage, iyo mishinga irimo n’ikibuga cy'indege mpuzamahanga cya Bugesera kirimo kubakwa mu karere ka Bugesera.

Muri iki kiganiro kandi, Umuyobozi w’akarere ka Bugesera, Mutabazi Richard, yagaragaje indi mishinga minini akarere ka Bugesera gafite irimo kubaka imihanda ya kaburimbo mu Mujyi wa Nyamata, kwagura ikigo nderabuzima cya Nyamata ndetse n’inzu y’ababyeyi yubakwa mu bitaro bya Nyamata, ikigo cy’Urubyiruko n’ibindi.

Meya Mutabazi yashimye uruhare rw’Itangazamakuru mu kumenyekanisha ibikorwa by’Akarere no kugaragaza ibibazo bihari ngo bikemuke.

Umuyobozi w’Akarere, Mutabazi Richard yagiranye ikiganiro n’itangazamakuru kibanze mu kugaragaza uko Akarere gahagaze muri uyu mwaka n’indi mushinga minini gafite.