Uyu munsi mu cyumba cy’inama cy’Akarere ka Bugesera, Umuyobozi w’Akarere Mutabazi Richard yayoboye inama yitabiriwe n’Abayobozi b’Amashami mu Karere.
Iyi nama yari igamije gusuzuma uko imyanzuro y’Umugenzuzi Mukuru w’Imari ya Leta ishyirwa mu bikorwa, kurebera hamwe ibikorwa biteganyijwe mu mwaka w’Imihigo wa 2025-2026, ndetse n’ibindi by’ingenzi bijyanye n’imikorere y’Akarere.

Umuyobozi w’Akarere yashimangiye ko ishyirwa mu bikorwa ry’iyi myanzuro ari ingenzi mu kunoza imicungire y’imari n’imiyoborere myiza, ndetse asaba buri shami gushyira imbaraga mu kurangiza neza inshingano zaryo.