Mu Mirenge igize Akarere ka Bugesera, kuri uyu wa gatandatu, abaturage bakoze umuganda rusange usoza ukwezi kwa Mata 2025, wibanze ku bikorwa byo gusana ibikorwa remezo, imihanda y’imigenderano no gusanira inzu abaturage basenyewe n’ibiza.

Ni Umuganda ku rwego rw’Akarere wabereye mu Murenge wa Gashora witabirwa n’Umuyobozi w’Akarere Wungirije Ushinzwe Iterambere ry’Ubukungu, inzego z’umutekano n’abaturage batuye uyu murenge.

Muri iki gikorwa cy’umuganda usoza ukwezi kwa Mata 2025, abaturage bafatanyije n’ubuyobozi basaniye inzu umuryango wa Niyongira Emmanuel utuye mu Mudugudu wa Munyinya mu Kagari ka Ramiro, mu Murenge wa Gashora, uherutse gusenyerwa n’ibiza.

Umuyobozi w’Akarere wungirije ushinzwe iterambere ry’ubukungu, Umwali Angelique, yashimiye abaturage b’Umurenge wa Gashora ubwitabire bagize muri uyu muganda wo gusanira umuturage ndetse no gusana imihanda y’imigenderano. Yabasabye kwita ku bikorwa remeza ndetse no kwirinda ibiza.

Ati:”Twakoze umuhanda dusibura imiyoboro y’amazi yangiritse. Iyo yuzuye ya mazi ajya mu muhanda akawica, ni muri urwo rwego dukwiye kureba ahantu hareka amazi yaduteza ibibazo tukirinda ko yanadusenyera yaba imihanda, inzu zacu ndetse no kwangiza imirima.”

Umuyobozi w'Akarere Wungirije Ushinzwe Imibereho Myiza y'Abaturage, Imanishimwe Yvette, wifatanije n’abaturage b’Umurenge wa Mayange, ahasibuwe umuhanda w’Umugenderano uhuza imidugudu ya Rugarama na Cyaruhirira mu Kagari ka Mbyo, yasabye abaturage gukora bakivana mu bukene, kwirinda amakimbirane yo mu ngo, kugira umuco w'isuku n'isukura no gufata neza ibikorwa remezo.

Yabakanguriye kandi kwitabira gahunda yo gutanga umusanzu w'ubwisungane mu kwivuza bw’umwaka wa 2025-2026 kuko ubu watangiye kwakirwa.

Nyuma y’Umuganda, abaturage bahawe ubutumwa butandukanye burimo, kwigira, umutekano, Ejo Heza, kutangiza ibidukikije no kwishakamo ibisubizo by’ibibazo bibangamiye imibereho myiza yabo.

Umuyobozi w'Akarere Wungirije ushinzwe iterambere ry'ubukungu, Umwali Angelique yasabye abaturage kwirnda ibyakwangiza ibikorwa remezo

Umuyobozi w'Akarere wungirije ushinzwe imibereho myiza y'abaturage, Imanishimwe Yvette, yifatanyije n'abaturage b'Umurenge wa Mayange mu muganda usoza kwezi kwa Mata 2025.

Umuyobozi w'Akarere wungirije ushinzwe Iterambere ry'ubukungu, Umwali Angelique, yifatanyije n'abaturage ba Gashora mu muganda rusange usoza ukwezi, wibanze kugasana imihanda n'inzu zangijwe n'ibiza.

Umuyobozi w'Akarere wungirije ushinzwe imibereho myiza y'abaturage, Imanishimwe Yvette, yifatanyije n'abaturage b'Umurenge wa Mayange mu muganda usoza kwezi kwa Mata 2025.

abaturage bakoze umuganda rusange usoza ukwezi kwa Mata 2025, wibanze ku bikorwa byo gusana ibikorwa remezo, imihanda y’imigenderano no gusanira inzu abaturage basenyewe n’ibiza.