Mayor Mutabazi Richard ati: "kuvugurura ubworozi bukaba ubwo umwuga, amatungo agatanga umusaruro; uruhare runini ni urwacu, biradusaba kubuvugurura bikajyana n'icyerekezo tugezemo. Twe gushingira ku byo twabayemo, twigire ku borozi b'intangarugero dufite amaso n'umutima byo guhinduka". Muri iki cyumweru kizasoza aborozi bari gutozwa ibikorwa bibafasha guhindura ubworozi bakava mu byo bahozemo bakabikora nk’umwuga. 

Abakozi bashinzwe ubuhinzi n’abashinzwe ubworozi mu karere ka Bugesera, iki cyumweru  cyo kuwa 9-14 Mutarama 2023 bari gutoza aborozi gutera ubwatsi no guhunika ibisigazwa byo mu buhinzi, no kwigira ku borzoi ntangarugero bakoresha ikoranabunga ryo kugaburira amatungo ibisigazwa by’ibikomoka ku bihingwa (ibishogoshogo, ibigorigori, ibicericeri,…)

Mu bukangurambaga “terimbere mworozi”, Mayor Mutabazi Richard yibukije aborozi bo mu murenge wa Ngeruka amahirwe y'isoko ry'amata n'iry'inyama. Ati:" Mufite isoko muri gushoramo angahe, mwagure imishinga yanyu muyitekerereze ku mahirwe y'iterambere riri mu Karere ka Bugesera".