Binyuze mu Kigo cy’Igihugu gishinzwe igororamuco, ku bufatanye na Minisiteri y’ubutegetsi bw’Igihugu, Minisiteri y’Umutekano w’Imbere mu Gihugu, ministeri y’uburezi, iy’Umuryango, Polisi y’Igihugu, Minisiteri y’Urubyiruko n’Iterambere ry’Ubuhanzi n’izindi nzego basaje igikorwa cy’iminsi ine bagiriraga mu Karere ka Bugesera mu rwego rwo gusuzuma no gukurikirana imibereho y’abosoje igororamuco mu byiciro bibiri biheruka; 2023 na 2025.

Ni igikorwa cyatangiye kuri uyu wa mbere tariki ya 19 Gicurasi gisozwa kuri uyu wa Kane tariki ya 22 Gicurasi 2025, ahasuwe urubyiruko rugera kuri 475 rwavuye mu bigo by’igororamuco bya Gitagata, Nyamagabe na Iwawa 2023 na 2025.

Iri tsinda riyobowe na SP Semanyenzi riri kumwe n’abakozi b’IKigo cy’Igihugu gishinzwe igororamuco n’abakozi b’Akarere mu ishami rishinzwe imiyoborere myiza, basuye imirenge yose igize Akarere ka Bugesera bagaragarizwa ishusho yaho abavuye mu bigo ngororaramuco baherereye n'icyo bakora barabaganiriza, ndetse uru rubyiruko runabagarariza uko imibereho yabo ihagaze.

Umuyobozi w’Akarere wungirije ushinzwe imibereho myiza, Imanishimwe Yvette, yashimiye iri tsinda ku gikorwa cyiza cyo gufatanya n’Akarere gukurikirana imibereho y’abosoje igororamuco.

Ati: “Ndabashimira ku bufatanye bwanyu ndetse n’izindi nzego dukorana muri uyu murongo w’igihugu wo gufasha no gukurikirana ubuzima bwa buri munsi bw’abasoje amasomo y’igororamuco. Nk’Akarere natwe tuzakomeza gushyiramo imbaraga mu kubakurirana, tubahuza n’amahirwe ahari, ndetse tunakumira ko hari abakongera kwishora mu bikorwa bibi nk’ibyo aba twasuye bagiye bafatirwamo.”

SP Semanyenzi wari uyoboye iri tsinda ryasuye Akarere ka Bugesera, yashimiye ubuyobozi bw’Akarere ka Bugesera uburyo bakomeje kiwta no gufasha gusubira mu buzima busanzwe abavuye mu bigo ngororamuco, asaba ko hakomeza kubaho ubufatanye n'inzego zitandukanye hagamijwe gukumira ko basubira mu bikorwa bibi.

Mu bindi bikorwa barebebye harimo; kureba uko abavuye muri ibigo, babifashijwemo n’Akarere ka Bigesera guhujwe n'amahirwe y'akazi aboneka mu Mirenge batuyemo bigendanye n’imyuga bigeye mu bigo ngororamuco.

Mu Karere ka Bugesera mu byiciro bibiri biheruka hakiriwe abagera kuri 475 barimo 237 baje mu mwaka wa 2023 ndetse na 238, basoje igororamuco mu mwaka wa 2025, bari barajyanywe mu bigo ngororamuco bya IWAWA, Gitagata na Nyamagabe kugira ngo bahinduke bagire imyitwarire myiza no gusubizwa mu buzima busanzwe.