Kuri uyu wa Kabiri tariki ya 05 Kanama 2025, Umuyobozi w’Imirimo Rusange mu Karere ka Bugesera, Niyongabo Jacques, yakiriye itsinda ryaturutse muri Minisiteri y’Uburinganire n’Iterambere ry’Umuryango (MIGEPROF), ryari rije gusuzuma ishyirwa mu bikorwa ry’umuhigo wo kugira Umudugudu w’Icyitegererezo muri buri Kagari mu Karere ka Bugesera.

Iri tsinda ryari riyobowe na Kamanayo Jean Claude, umukozi muri MIJEPROF ushinzwe guteza imbere ry'umiryango no kuwurengera, ryagararijwe aho ishyirwa mu bikorwa ry’imyanzuro y’Intara y’Ibirasirazuba mu guteza imbere Umudugudu w’Icyitegererezo bigeze, birimo guteza imbere ubukungu bw’abaturage, kwimakaza imibereho myiza ndetse no gushimangira imiyoborere myiza.

Umuyobozi w’Imirimo rusange mu Karere, Jacques Niyongabo, yashimiye iri tsinda, agaragaza ko Akarere ka Bugesera kazakomeza gushyira mu bikorwa uyu muhigo, anasaba ubufatanye buhoraho mu kurushaho guteza imbere abaturage batuye mu midugudu y’Icyitegererezo.

Iri tsinda riri kumwe n’abakozi b’Akarere basuye imwe mu midugudu y'icyitegererezo mu Mirenge ya Ruhuha, irimo uwa Kindama na Saruduha no mu Murenge wa Mwogo, mu Kagari Ka Rugunga na Rwabukombe.