Inkomezabigwi 7 batumwe guhindura umudugudu batanga umusanzu muri gahunda za Leta. Guhera kuwa 8 mutarama 2019 kugeza kuwa 30 kamena 2019 ; mu gihe cy’amezi 6 abanyeshuri barangije itorero bazakomeza ibikorwa bakorera mu midugudu. Muri ibyo bikorwa by'urugerero rugiye gukomereza ku mudugudu bazaba bafite intego yo gukemura ibibazo bibangamiye imibereho y’abaturage.

Kuri uyu wa 5 mutarama 2019 mu karere ka Bugesera hashojwe itorero inkomezabigwi 7. Ni itorero rigizwe n’urubyiruko  rurangije amashuri yisumbuye 2018.

Bwana Mutabazi Richard umuyobozi w’Akarere ka Bugesera ati: ‘’ Urugerero ni iteme rihuza ibyahozeho hambere n’ibiriho none’’. Bwana Mutabazi yatumye intore inkomezabigwi 7, kwiyubakamo imitekerereze yo kwishamo ibisubizo, kwikemurira ibibazo hagamijwe gusigasira amajyambere ari mu Karere ka Bugesera. Ati ‘’Tugomba kwikemurira ibibazo kugirango amajyambere tuyasigasire’’.

Inkomezabigwi 7 Akarere ka Bugesera bahize kuzitaho ibikorwa  bibangamiye imibereho.