Bwana Ruzindaza ati : ‘’Mu ngengo y’imari ya 2017-2018, mu Karere ka Bugesera buri rugo ruzajya ruba rufite ibiti 12 byeraho imbuto ziribwa, zirimo Avoka, imyembe, amapapayi, amacunga n’ibindi. Izo ngemwe zizazajya zihabwa abaturage ku buntu. Nkusi Francois Xavier ushinzwe ubuhinzi mu murenge wa Mareba avuga ko habayeho amakosa y’uburangare mu ishyirwa mu bikorwa ya gahunda yo gutera ibiti byeraho imbuto ziribwa, bityo bituma n’ingemwe zibura. Akarere ka Bugesera gafatanyije n’abafatanyabikorwa mu buhinzi kashyizeho ubuhumbikiro bw’ibitibyera imbuto ziribwa, ingemwe zikazahabwa abaturage ku buntu. Nkusi avuga ko bifashishije abafashamyumvire mu buhinzi, nyuma yo kugeza ingemwe z’ibiti byeraho imbuto ziribwa ku baturage, bazakurikirana izo ngemwe kugirango bigire umusaruro. Nk’uko bigarukwaho n’Umuyobozi w’akarere ka Bugesera wungirije ushinzwe ubukungu Ruzindaza Erick, witabiriye igikorwa cyo gushyiraho ubuhumbikiro bw’ibiti byera imbuto ziribwa mu Murenge wa Mareba, yemera ko habayeho kudahuza imbaraga kw’Akarere n’abafatanyabikorwa. Akomeza avuga ko muri iyi gahunda abafatanyabikorwa n’Akarere ka Bugesera mu buhinzi bazafasha mu guhugura abadafite ubumenyi buhagije ku biti byera imbuto ziribwa, kugira ngo bitazaba amasigaracyicaro. Nyuma, buri gihembwe bagahura hagamijwe kurebe niba ibyo biyemeje byarashyizwe mu bikorwa. Kurwanya imirire mibi ni igikorwa gihurirwaho n’izindi gahunda harimo no gukangurira abaturage guhinga ibiti byera imbuto ziribwa. Mukantare Jacqueline