Mu rwego rwo kwihutisha imirimo yo kubaka Ikigo cy’Urubyiruko cya Nyamata n’Inzu y’Ababyeyi (Maternité) ku Bitaro bya Nyamata, uyu munsi habaye inama yahuje Ubuyobozi bw’Akarere ka Bugesera, Imbuto Foundation ndetse na Minisiteri y’Ingabo.

Iyi nama yari igamije kurebera hamwe aho ibikorwa byo kubaka ibi bigo bigeze no gushaka uburyo bwo kwihutisha isozwa ry’ibi bikorwa byitezweho guteza imbere serivisi z’ubuzima n’iterambere ry’urubyiruko mu Karere ka Bugesera.

Abitabiriye inama bagaragaje ubushake bwo gukorana mu buryo bw’imikoranire myiza kugira ngo imirimo isigaye izuzure vuba, bityo abaturage batangira kubona serivisi z’izi nyubako nshya. Biteganijwe ko izi nyubako zombi zizura mu mpera z’uyu mwaka.

Iri tsinda ryasuye ahari kubakwa Inzu y'Ababyeyi mu Bitaro bya Nyamata

Ikigo cy'Urubyiruko, Imbuto Hub Nyamata