Kuri uyu wa Kane tariki ya 22 Gicurasi 2025, ku Bufatanye na Banki Nkuru y’Igihugu n’Ubuyobozi w’Akarere ka Bugesera, bakoranye inama n’abayobozi ba SACCO mu rwego rwo kurebera hamwe iterambere ryazo mu gucunga neza umutungo w’abaturage.

Ni inama yayobowe n’Umuyobozi w’Akarere ka Bugesera, Mutabazi Richard, ari kumwe n’umukozi wa Banki Nkuru y’Igihugu, Nyirahabimana Bernadette, Umuyobozi w’amakoperative mu Karere ka Bugesera, Nzungize Gabriel, yitabirwa n’abagize Komite Nyobozi SACCO ndetse n'abacungamutungo bazo mu Mirenge 15 igize Akarere ka Bugesera n’inzego z’umutekano.

Iyi Nama yafatiye hamwe imyanzuro ku ngamba zigamije konaza imiyoborere n'imicungire y'umutungo wa SACCOs no kurinda umutekano wazo mu masaha y'amanywa n'amasaha y'ijoro hagamijwe gucunga neza umutungo w’abaturage.

Ubuyobozi bw'Akarere ka Bugesera bushishiakariza abaturage kugana Umurenge SACCO kugira bibafashe kwizigama ndetse no kwiteza imbere.

Umurenge SACCO ni kimwe mu bigo by’imari byifashishwa mu kwizigamira. Mu Harere ka Bugesera habarizwa koperative zo kubitsa no kugurizanya Umurenge SACCO zigera kuri 15. Ni ibigo usanga bifasha abaturage kwiteza imbere bitewe no kubigana.