Ku bufatanye bwa Save the Children n’Akarere ka Bugesera binyuze mu mushinga ugamije kugarura abana bataye ishuri, habaye inama igamije kurebera hamwe ibyagezweho n’imbogamizi zihari, ndetse no gushaka ingamba zo kurushaho gufasha abana gusubira ku ishuri.

Iyi nama yitabiriwe n’Umuyobozi w’Akarere Wungirije Ushinzwe Imibereho Myiza y’Abaturage, Madamu Imanishimwe Yvette, yibukije ko uburezi ari ishingiro ry’iterambere, asaba inzego zose gukomeza gufatanya mu kurwanya ikibazo cy’abana bata ishuri.

Abitabiriye inama basangiye ibitekerezo ku buryo bwo gukemura imbogamizi zigaragara, banasaba gukomeza ubukangurambaga mu miryango no mu baturage kugira ngo buri mwana agire amahirwe yo kugera ku nzozi ze anyuze mu ishuri.

Iyi nama yateguwe n'Umuryango wita ku kurengera abana, Save the Children binyuze mu mushinga Zero Out Of School Children, ugamije kugarura abana bataye ishuri ku ishuri, ihuza abayobozi mu nzego zitandukanye ku rwego rw'Akarere n'Imirenge igize Akarere ka Bugesera.

Akarere ka Bugesera n’abafatanyabikorwa bako bakomeje gushyira imbere ibikorwa bigamije ko nta mwana usigara inyuma mu burezi.