Kuri uyu wa Gatatu, tariki ya 21 Gicurasi 2025, Ubuyobozi bw’Akarere ka Bugesera bwakiriye Visi Perezida wa Kabiri w’Umuryango w’abapfakajwe na Jenoside yakorewe Abatutsi, AVEGA Agahozo, Mpinganzima Constance n’itsinda barikumwe, bagirana ibiganiro bigamije kurushaho kunoza imikoranire myiza hagati y’Akarere na AVEGA no kugaragaza inshingano nshya z’umukozi ushinzwe kwita no kubungabunga ubuzima bwo mu mutwe.

Umuyobozi w’Akarere ka Bugesera, Mutabazi Richard, yashimiye umufatanyabikorwa AVEGA Agahozo ku ruhare rwayo mu mikoranire n’Akarere ka Bugesera mu gufasha abarokotse Jenoside Yakorewe Abatutsi mu bikorwa by’isanamitima, gukira ibikomere batewe n’ingaruka za Jenoside ndetse no kwita ku baturage no kubungabunga ubuzima bwo mu mutwe.

Visi Perezida wa Kabiri wa AVEGA Agahozo, Mpinganzima Constance, yashimye bwiza hagati y’Umuryango Avega n’Akarere ka Bugesera mu guteza imbere imibereho myiza Visi Perezida wa Kabiri w’Umuryan y’abapfakajwe na Jenoside yakorewe Abatutsi.

Yagaragarije ubuyobozi bw’Akarere kandi inshingano nshya Umukozi w’Avega Agahozo mu Karere ka Bugesera, Murorunkwere Julienne, afite zigamije kurushaho gukora ibikorwa bufasha abaturage kwita no kubungabunga ubuzima bwo mu mutwe nk’inshingano nyamukuru z’umukozi w’Avega mu Karere ushinzwe kwita ku buzima bwo mutwe.

Mu biganiro bagiranye kandi bibanze gusuzumira hamwe imikoranire ya Avega Agahozo n’Akarere ka Bugesera, ibimaze kugerwaho ndetse no kumenya ibikwiye kunozwa cyangwa ahandi hakenewe ubufasha bwiyongera kugira ngo inshingano ze zirusheho gushyirwa mu bikorwa neza.

Visi Perezida wa Kabiri w’Umuryango w’abapfakajwe na Jenoside yakorewe Abatutsi, AVEGA Agahozo, Mpinganzima Constance

Basuzumiye hamwe imikoranire ya Avega Agahozo n’Akarere ka Bugesera, ibimaze kugerwaho ndetse no kumenya ibikwiye kunozwa kugira ngo inshingano za Avega Agahozo zirusheho gushyirwa mu bikorwa neza.