Mu rwego rwo kurushaho kunoza imitangire ya serivisi z’ubutaka, mu cyumba cy’inama cy’Akarere ka Bugesera habereye inama igamije kuganira ku mikorere ya ba Noteri bigenga mu mitangire ya serivisi z’ubutaka yahuje abakozi bashinzwe ubutaka, imiturire n'ibikorwaremezo mu Mirenge hamwe n'abanoteri bigenga (Private Notaries) bakorera mu Mirenge itandukanye igize Akarere ka Bugesera.

Ni inama yobowe n’Umuyobozi w’Akarere Wungirije Ushinzwe Iterambere ry’Ubukungu, Umwali Angelique, ari kumwe n’Umubitsi w’Impapurompamo z’Ubutaka mu Ntara y’Iburasirazuba, Muvara Pothin kuri uyu wa Kane tariki ya 31 Nyakanga 2025.

Abitabiriye iyi nama bagarutse ku ruhare rwa ba Noteri bigenga mu gufasha abaturage kubona serivisi z’ubutaka ku gihe no mu mucyo, ndetse hanagaragazwa imbogamizi zigaragara mu mikorere yabo hagamijwe kuzishakira ibisubizo.

Ubuyobozi bw'Akarere bwasabye ba Noteri gukomeza kunoza imitangire ya serivisi, no gushyira imbere inyungu z’umuturage binyuze mu gutanga serivisi inoze, zinoze kandi zihuse.