Guverineri w’Intara y’Iburasirazuba, Pudence Rubingisa, yasabye abayobozi b’inzego z’ibanze by’umwiharika ba midugudu bo mu Karere ka Bugesera, kugira uruhare rugaragara mu kwihutisha iterambere rishingiye ku muturage. Ibi yabivugiye mu nama ya Komite Mpuzabikorwa y’Akarere yabaye ku wa Gatatu, tariki ya 11 Kamena 2025, yahuje abayobozi barenga 800.

Guverineri Rubingisa yasabye ko hongerwa imbaraga mu kunoza isuku n’isukura, no gufata ingamba zituma iterambere ribera umuturage. Yibukije ko umudugudu ari urwego shingiro rw’imiyoborere n’iterambere.

Umuyobozi w’Akarere ka Bugesera, Richard Mutabazi, yagaragaje ko iyi nama ari umwanya wo kwisuzuma, kungurana ibitekerezo no gufata ingamba zishyirwa mu bikorwa. 

Yagize ati: “Twahuriye hamwe ngo twisuzume, tuganire dufate ingamba, twiyemeze kandi tuzashyire mu ngiro. Imbaraga zose twashyiramo, igamba zose twafata; kubigeraho byose bizashingira ku miyoborere, imikorere n’imikoranire y’abayoboye mu Mudugudu; bityo rero tukavuga ngo ‘Intsinzi iri ku mudugudu’”

Insanganyamatsiko y’inama iragira iti “Intsinzi iri ku Mudugudu”, igamije gukangurira abayobozi bose kugira uruhare rufatika mu iterambere ry’umuturage.

Ubushakashatsi bwa EICV7 bugaragaza ko Akarere ka Bugesera gafite igipimo cy’ubukene cya 23.7%, kaza ku mwanya wa 13 mu gihugu no ku wa 3 mu Ntara y’Iburasirazuba, bikaba bisaba ingamba zihamye mu kongera imibereho myiza y’abaturage.

Guverineri w'Intara y'Iburasirazuba, Rubingisa Pudence, yibukije ko umudugudu ari urwego shingiro rw’imiyoborere n’iterambere.

Inama ya Komite mpuzabikorwa y'Akarere ka Bugesera, yitabiriwe n'abayobozi batandukanye.

Umuyobozi w'Akarere ka Bugesera, Mutabazi Richard, yagaragaje ko intsinzi y’iterambere ishingiye ku mikorere n’imikoranire bihereye ku rwego rw’umudugudu.

Perezida wa PSF mu Karere ka Bugesera, Joana