Kuri uyu wa Kabiri tariki ya 12 Kanama 2025, mu Mirenge igize Akarere ka Bugesera, habaye inteko z'abaturage, abaturage bakangurirwa gushyira imbaraga mu buhinzi butanga umusaruro no kubungabunga umutekano.

Ibi babisabwe kuri uyu wa Kabiri tariki ya 12 Kanama 2025 mu Nteko z’Abaturage.

Umuyobozi w’Akarere ka Bugesera Wungirije Ushinzwe Iterambere ry’Ubukungu, Umwali Angelique, wifatanije n’abaturage b’umurenge wa Mareba mu Kagari ka Nyamigina, yasabye abaturage kwirinda amakimbirane mu miryango no gukomeza kwicungira umutekano.

Umwali Angélique yashimiye abaturage ku ruhare bagira mu iterambere ry’akarere, abasaba gukomeza gushyira imbaraga mu buhinzi butanga umusaruro no kubungabunga umutekano nk’inkingi y’iterambere rirambye.