Minisitiri Dr. Jean Damascene Bizimana  wa Ministeri y'Ubumwe n'uburere mboneragihugu n'abandi banyacyubahiro baje kwifatanya n'abaturage b'Akarere ka Bugesera kwibuka ku nshuro ya 29 Jenoside yakorewe Abatutsi 1994.

Mu ijambo ryo guhumuriza Abarokotse Jenoside yakorewe Abatutsi 1994 ku rwibutso rwa Nyamata, Minisitiri Jean Damascene wifatanyaga n’abaturage b’Akarere ka bugesera yabifurije gutwaza no gusingirs icyizere cyo kubaho.

Minisitiri Bizimana yakomeje abibutsa ko basabwa byinshi birimo kubana n’abantu babahigaga no gukomeza kwiyubaka bakiteza imbere  n’imiryango yabo no kubaka igihugu muri rusange. Ati “Nimukomera ni bwo muzaba mwibuka neza abacu twabuze, nibwo buryo tuzaba tubahesheje icyubahiro cyabo”.

Tariki 15/4/1994 ibitero byarimo abasirikare n'interahamwe batangiye kwica Abatutsi bari bahungiye muri Kiliziya Gatolika ya Nyamata bica abari bahahungiye hakoreshejwe imbunda na grenade n'ibyuka biryana mu maso nyuma interahamwe zijyamo zihorahoza abatari bashiramo umwuka.