Abagize Komite y’Umuryango Uharanira Agaciro n’Iterambere by’Umunyafurika; ku rwego rw’Umurenge, Kaminuza n'Akarere, bahuriye mu mahugurwa agamije kubasobanurira imizi y’inyigisho zawo, Iterambere ry'Afurika n'indangagaciro z’ubuyobozi bushingiye ku bunyarwanda n’ubunyafurika. 

Ni igikorwa cyabaye kuri iki cyumweru, tariki ya 11 Gicurasi 2025, kitabirirwa n’Umuyobozi w’Akarere Wungirije ushinzwe Iterambere ry’Ubukungu, Umwali Angelique, aka n’umuyobozi w’uyu muryango mu karere ka Bugesera

Mu Kiganiro yatanze, Komiseri ushinzwe amahoro n'umutekano mu muryango Uharanira Agaciro n’Iterambere by’Umunyafurika (Pan African Movement), Kamwaga Frank Kobukeye, yagarutse ku mavu n’amavuko n'intego z'uyu muryango. Yasabye buri wese kugira uruhare ku kwigira no kwihesha Agaciro kw'Afurika nk'inzira irambye iyiganisha ku iterambere. 

Umuyobozi w'Akarere Wungirije Ushinzwe Iterambere ry'Ubukungu, Umwali Angelique, akaba na Chairperson wa Pan African Movement mu Karere ka Bugesera, yashimiye abitabiriye aya mahugurwa asaba abayitabiriye gusangiza abandi ubumenyi bungukiyemo no guharanira agaciro n'iterambere ry'Igihugu no kuzamura imibereho myiza y'umunyafurika.

Aya mahugurwa yitabiriwe n’Abayobozi b’uyu muryango, ababungirije ndetse n’abanyamabanga ku rwego rw’imirenge igize Akarere ka Bugesera (Chairpersons, Vice Persons and Secretaries. Ku rwego rw' Akarere yitabiriwe n’abagize komite bose.