Abanyamabanga nshingwabikorwa b'utugari bongerewe inshingano yo kwandika abavukiye mu rugo no kwandikura abapfuye batageze kwa muganga mu gihe kitarenze iminsi 30.  Ni inshingano yiyongera ku iyo kurangiza imanza, kugenzura ibyiciro by’ubudehe.

Mu rwego rwo gutanga serivisi yihuse kandi inoze abayobozi b’utugari bahuguriwe kwandika no kwandikura abantu bavutse n’abapfuye batageze kwa muganga, kuri uyu wa 4 Mutarama 2022 babonye laptop zizabafasha.kuzuza izi nshingano. CG Gasana Emmanuel Umuyobozi w’Intara y’Iburasirazuba wabashyikirije laptops 71 zihwanye n’utugari tugize Akarere ka Bugesera yibukije abayobozi b'utugari ko izi laptop zigiye kubafasha mu kunoza imikorere n'imikoranire mu nshingano nshya n'izo basanganywe. 

Bwana  Mutabazi Richard Umuyobozi w’Akarere ka bugesera asobanura impamvu yo guha abanyamabanga Nshingwabikorwa b’utugari mudasobwa. Ati : "Ikigenderewe ni icyo ibi bikoresho bahawe bizamara". Umuyobozi w'Akarere Mutabazi Richard arasaba abayobozi b'utugari basanzwe bafite Internet ku muyoboro wa 4G bakoreshaga, gukoresha laptop bahawe mu kunoza serivisi batanga mu buryo bw'ikoranabuhanga.

Serivisi zitangwa mu tugari hifashishijwe ikoranabuhanga ni abanditsi b’irangamimerere, gukurikirana ibyiciro by’ubudehe, kurangiza imanza na raporo zitangwa byose bikeneye ikoranabuhanga rikoresha mudasobwa na Internet.