Kuri uyu wa Kabiri, tariki ya 18 Werurwe 2025, Umuyobozi w’Akarere Wungirije Ushinzwe Imibereho Myiza y’abaturage, Yvette Imanishimwe, yakiriye itsinda ry'Uturere tubiri two mu gihugu cya Ghana (Akwapim South and North Tongu) ryasuye Akarere ka Bugesera rije kwigira ku Rwanda imitangire ya serivisi n'ibikorwa by'ubuzima.

Mu biganiro bagiranye n’itsinda ry’Akarere ka Bugesera rishinzwe gukurikirana ibikorwa by’ubuzima no kuzamura ibipimo byabwo, Umuyobozi w’Akarere Wungirije Ushinzwe Imibereho Myiza y’abaturage, Imanishimwe Yvette yagaragarije iri tsinda rya Ghana, riyobowe na Jonas Akpakli, ishusho y’Akarere, inshingano, imikorere n’uruhare iri tsinda rigira mu kuzamura ireme ry’ubuzima mu karere ka Bugesera.

Nyuma yo kuganira no kungurana ibitekerezo ku mikorere ya DHMT, bayobowe n’Umuyobozi w’Akarere Wungirije Ushinzwe Imibereho Myiza y’abaturage ari kumwe n’abagize itsinda ry’Akarere ka Bugesera, basuye Ikigo Nderabuzima cya Mayange basura serivisi zitandukanye zirimo, inzu y’ababyeyi, ahavurirwa abana n’ahandi mu rwego rwo kureba imitangire ya serivisi.

Banarebye kandi banaganira n’Abajyanama b’Ubuzima babasangiza uburyo bafasha abaturage serivisi z’ubuvuzi mu bice batuyemo ndetse no kubangurira kwirinda indwara. 

Iri tsinda ryo muri Ghana ryashimye urwego ubuvuzi bw’U Rwanda rugezeho ndetse n’uruhare rw’inzego z’ibanze mu kuzamura ireme n’ibipimo by’Ubuzima. 

Bashimye kandi imikorere y'abajyanama b'ubuzima mu guha serivisi nziza abaturage ubusanzwe zagatanzwe n’umukozi wabyize ufite impamyabumenyi bwo kuvura.

Umuyobozi w'Akarere Wungirije Ushinzwe Imibereho Myiza y'Abaturage, Imanishimwe Yvette, yakiriye itsinda ry'Uturere tubiri two mu gihugu cya Ghana (Akwapim South and North Tongu) ryasuye Akarere ka Bugesera rije kwigira ku Rwanda imitangire ya serivisi n'ibikorwa by'ubuzima.

Iri tsinda ryagaragarijwe inshingano, imikorere n’uruhare itsinda ry'Akarere rishinzwe gukurikirana ibikorwa by’ubuzima no kuzamura ibipimo by'Ubuzima