Uyu munsi, mu cyumba cy’inama cy’Akarere, habereye inama iyobowe n’Umuyobozi w’Akarere Wungirije Ushinzwe Iterambere ry’Ubukungu, Umwali Angelique, igamije kungurana ibitekerezo ku ishyirwa mu bikorwa ry’umushinga wo gufata neza umusaruro ukomoka ku bihingwa no kunoza uruhererekane nyongeragaciro (Smart Food Value Chain Management project.)

Uyu mushinga uzibanda ku kumisha umusaruro w’urusenda n’ibitunguru, uzakorerwa mu Murenge wa Mareba ku bufatanye na KOICA.

Iyi nama yitabiriwe n’itsinda ryaturutse mu Kigo cy’Igihugu gishinzwe guteza imbere iyoherezwa mu mahanga ry’ibikomoka ku buhinzi n’ubworozi (NAEB) ndetse n’abahinzi b’urusenda bo muri Koperative COIMUMA ikorera mu Murenge wa Mareba. 

Abitabiriye inama bagarutse ku kamaro k’uyu mushinga mu kongerera agaciro umusaruro, kuwubika igihe kirekire no kuwugeza ku masoko yo mu mahanga.

Umuyobozi w’Akarere wungirije ushinzwe iterambere ry’Ubukungu, Umwali Angelique, yashimangiye ko Akarere kazakomeza gushyigikira ubuhinzi bujyanye n’igihe, cyane cyane mu guteza imbere ibyoherezwa hanze no guteza imbere ubukungu bushingiye ku musaruro w’imboga n’imbuto.

Akarere ka Bugesera gafite intego yo guteza imbere ubuhinzi bufite ireme no kongera umusaruro w’ibyoherezwa hanze, binyuze mu bufatanye n’inzego zitandukanye harimo n’abikorera.

Mu Murenge wa Mareba, ku bufatanye  n’Ikigega cya Koreya y’Epfo gishinzwe Iterambere, KOICA hari kubakwa uruganda ruzajya rwumishirizwamo umusaruro w’urusenda n'ibitunguru ibizwi nka Local Post Harvest Center