Abagize Inama y’igihugu y’abantu bafite ubumuga mu Karere ka Bugesera bahuriye Nteko Rusange igamije kungurana ibitekerezo bigamije kuzamura imibereho y’abantu bafite ubumuga mu Karere ka Bugesera, biyemeza kurushaho kwita no kuzamura imibereho y’abantu bafite ubumuga mu Karere.

Ni inama yayobowe n'Umuyobozi w'Imirimo Rusange mu Karere, Niyongabo Jacques yitabirwa n’abahagariye abantu bafite umuga ndetse n’abayobozi bashinzwe imiyoborere myiza mu mirenge igize Akarere ka Bugesera.

Umuhuzabikorwa w’igihugu y’abantu bafite ubumuga mu Karere ka Bugesera, Mwizerwa Jean Michael yasabye Abitabiriye iyi nama gufata iyambere mu gukorera ubuvugizi abantu bafite ubumuga bagifite ibibazo bitandukanye. Yashimiye Ubuyobozi bw’Akarere uruhare bugira mu kwita ku bantu bafite ubumuga.

Umuyobozi w'Imirimo Rusange mu Karere, Niyongabo Jacques, yashimiye abantu bafite ubumuga mu ruhare bagira mu bikorwa bitandukanye bigamije kuzamura imibereho myiza y’abaturage cyane cyane bita ku bantu bafite ubumuga.

Inteko rusange y’Inama y’igihugu y’abantu bafite ubumuga mu Karere ka Bugesera, iterana rimwe mu mwaka igamije kurebera hamwe ibyagezweho muri uwo mwaka ndetse no gutegura ibikorwa bazakora mu mwaka ukurikiyeho.