Itsinda ry’Abadepite mu Nteko Ishinga Amategeko bifatanyije n’abaturage b’Akarere ka Bugesera mu Murenge wa Mwogo mu gikorwa cy’Umuganda Rusange usoza ukwezi kwa Gicurasi 2025.

Ni Umuganda witabiriwe na Depite Hon. Nizeyimana Pie, na bagenzi be; Hon. Mukamana Alponsine na Hon. Mbabazi Oliviabari kumwe n’Umuyobozi w’Akarere, Mutabazi Richard, inzego z’umutekano n’abaturage.

Muri uyu muganda, Umuyobozi w’Akarere, Mutabazi Richard, yashimiye abaturage bitabiriye umuganda wo gusibura umuhanda wa kilometero zirenga 5, anashimira kandi Abadepite bifatanyije muri iki gikorwa cy’umuganda mu Murenge wa Mwogo, mu Kagari ka Rugunga.

Depite Hon. Nizeyimana yakanguriye abaturage kwivana mu bukene, gukoresha Sisitemu Imibereho mu rwego rwo kumenya amakuru y’umuryango wabo no kubasha kwishyura ubwisungane mu kwivuza, Mituweli.

Abagize itsinda ry’Abadepite mu Nteko Ishinga Amategeko kandi baganiriye n’abaturage kuri gahunda zinyuranye, ndetse banakira ibibazo bimwe birakemurwa ibindi bihabwa umurongo.