Madamu Carmel Intijumurerwa umugenzacyaha mu Karere ka Bugesera asobanura ko;  amategeko ateganya ko ibyafatiriwe bishobora kugira ingaruka ku buzima ku mutekano no ku buzima ubugenzacyaha bushobora gufata icyemezo. Ni muri urwo rwego mu Karere ka Bugesera ibiyobyabwenge byafatiriwe guhera mu kwezi kwa mutarama kugeza mu  ukuboza 2018 byashenywe bikanangizwa.

Litiro 800 za kanyanga, litiro 100 y'inzoga z'inkorano , Boule 5002; byashenywe biranangizwa ku mugaragaro. Ibyo biyobyabwenge byafashwe guhera mu kwezi kwa 1 kugeza mu kwezi kwa 12 uyu 2018.Umushinjacyaha uyobora ubushinjacyaha ku rwego rw'Akarere ka Bugesera Madame Mukarukundo Agnes yavuze ko hakurikijwe itegeko rishya  068/2018 ryo kuwa 30/8/2018 rishyiraho ibyaha n’ibihano; ubushinjacyaha bwashikirijwe amadosiye 167 y'abakekwaho ibyaha bijyanye no kunywa no gucuruza ibiyobyabwenge kandi ko 99% bahamwe n'ibyaha. 

Madamu Mukarukundo atanga ubutumwa bukangurira abantu kwirinda kwishora mu byaha bijyanye n’ibiyobyabwenge kuko bigira ingaruka ku muryango iyo umuntu ahanwe n’amategeko akaba n’umutwaro ku gihugu.