Amashyamba

AMASHYAMBA MU KARERE KA BUGESERA

Akarere ka Bugesera ni kamwe mu turere dufite amashyamba kimeza menshi (Kibugabuga).

1. Amashyamba kimeza.

Mu Karere ka Bugesera hari amashyamba kimeza ndetse ni na hamwe mu karere hari amashyamba kimeza manini kandi menshi.

2. Amashyamba y'amaterano

Mu Karere ka Bugesera hagaragara kandi amashyamba menshi y'amateramo aho umukozi w'Akarere ka Bugesera ushinzwe amashya akurikirana imiterere ndetse n'imisarurirwe yayo, uwakenera amakuru ndetse na service akaba yakwifashisha  umukozi w'Akarere ushinzwe amashyamba Ir. MUKUNZI Emile kuri (+250)788513177.

Turabashimiye.

Akarere ka Buges

Ubworozi

UBWOROZI MU KARERE KA BUGESERA

Akarere ka Bugesera ni Akarere kabereye ubworozi cyane ubw'amatungo maremare, ndetse n'amatungo magufi. Mu karere ka Bugesera hari n'ubworozi bw'amafi 

Ubworozi bw'inka

Hifashishijwe gahunda ya girinka mu nyarwanda buri muturage ubyifuza kandi ubishoboye agomba korora Inka.  Mu karere ka Bugesera inka zororerwa mu biraro.

umusaruro ukomoka ku bworozi ujyanwa mu makusanyirizo y'amata 3 imwe iri mu mu murenge wa Ruhuha, ahandi hakusanyirizwa amata ni mu murenge wa Mayange, no mu Murenge wa Nyamata.

Ubworozi bw'amatungo magufi

Mu karere ka Bugesera abaturage bafaswa ku nzego zitandukanye z'ubuyobozi kugira ngo bateze imbere imibereho yabo ndetse n'iyi imiryango batunze. Ni muri urwo rwego imiryango nterankunga igenda yunganira Akarere itanga amatungo magufi

 Ubworozi bw'amafi

Aborozi b'amafi bibumbiye muri zakoperative zikora uburobyi. Amafi yabonetse ajyanwa ku masoko anyuranye harimo n'umujyi wa Kigali.

Ubuhinzi

UBUHINZI

Mu Karere ka Bugesera ubuhinzi bukorwa n'abaturage bahwanye na 80%.

Akarere ka Bugesera kagizwe n'imirambi,  igihe kinini cyiharirwa n'izuba. Ibihingwa byihanganira agace gashyuha nibyo byibandwaho.

Akarere ka Bugesera kabarirwamo ibiyaga icyenda. Mu gihe cy'izuba abaturage bahinga ku nkuka hakoreshejwe uburyo bwo kuhira imyaka. Imashini zagenewe kuvomera zihabwa abaturage batanze agaciro gahwanye na 40% andi akishyurwa n'Akarere

Ibihingwa byatoranyijwe mu mwaka w'ingengo y'imari 2016-2017 ni: Umuceri, ibishyimbo,urutoki, ibigori, imyumbati, Soya.

Ubihingwa byatoranyijwe bihingwa ku buso bunini bw'ubutaka buhujwe. Abahinzi bahingisha imashini umuhinzi yishyura ubukode bw'imashini hakurikijwe ubuso buhingwa.

Umusaruro uvuye mu mirima igice kimwe kibikwa mu buhunikiro bw'imyaka aho bayisubizwa mu gihe cy'ihinga. Ni mu rwego rwo kutotsa imyaka bayigurisha mu gihe cy'isarura

Umuceri uhingwa mu Karere ka Bugesera ukusanyirizwa mu nganda ziwutunganya mbere y'uko ugezwa kw'isoko.

Umusaruro w'ibigori ugezwa mu nganda zitunganya ifu ya kawunga aho umuturage ashobora gusyesha umusaruro w'ibigori yejejeje agakemura ikibazo cy'inzara mu muryango we cyangwa akajyana umusaruro ku ruganda rutunganya kawunga akagurisha umusaruro w'ibigori.

Mu rwego rwo kubika neza umusaruro w'ibigori hatunganyijwe ubwanikiro bw'ibigori byahinzwe mu butaka buhujwe aho umusaruro ugurishwa mu nganda.

Imbuto ishobora guhangana n'uburwayi bw'indwara y'imyumbati yagejejwe ku baturage itanzwe n'Akarere ka Bugesera